IDEIA OROKORRA
Gorputz bat sokaz lotu eta inguratzea da ideia, harresirantz tiraka egongo balitz bezala eta gorputza beste alderantz aske geratu nahian sadomasokismo kutsu batekin. Gure garabia alde batetik bestera soka bidez inguratuz, kanpo itxura erabat aldatzen zaio, elementu arrotz eta ezezagun bilakatuz eta aldi berean herritarraren kuriositatea sortuz. Horrela, bertara erakartzen gaitu, gerturatzen garen heinean txoritoki batean bilakatutako garabi baten aurrean gaudela konturatu.
Garabiaren alde batean, sokez inguratuz eta estaliz bere silueta markatu nahi izan dugu, bertan helduta dagoela adieraziz eta beste alderantz tiratzen dela irudikatuz. Horrela elementu arraro bat dagoela konturatuko da ikuslea baina albo horretatik gutxi gora-behera garabi tankera hartu ahal izango dio, nahiz eta estalita egon.
Beste alboan ordea, tiratzen ari diren sokez osatutako abaniko mordoa egongo da, garabiaren itxura erabat desagertaraziz eta harridura areagotuz. Alde hau izango da nagusiena eta gehien ikusiko dena.
Harresian, garabiak hartutako eremuaren proiekzio gisa lauki zuzen bat geratuko da sokez inguraturik eta espazio huts bat sortuz. Txoriak soketan geratu ahalko dira lasai, baina sortutako espazio horretan ere batetik bestera hegan ibili ahalko dira.
KOKAPENA
Portu zaharraren inguruko ibilbidean goazela harresira igotzeko asmoz, txoritokiaren aurreko espazio landu dugu, irisgarritasuna bermatzeko. Bertan berdeguneak eta grada batzuk kokatu ditugu, jendea egoteko giro atsegin bat lortu nahian eta zuhaitz eta landare bitartez inguruko errepideetatik aldentzeko asmoz. Berdegunea bertan kokatzea garrantzitsua iruditu zaigu txorientzat txoritikitik gertu elikagaia lortzeko, itsasotik lortu dezaketenaz gain.
LOTURA ELEMENTU GISA
Ebaketa hauetan ikus daiteke, nola garabiak txoritokia izateaz gain, baduen beste funtzio garrantzitsu bat, LOTURArena. Marsellako portu zaharreko paseoa eta harresiaren goikaldea konektatzeko bidea da, buelta osoa eman behar izatea sahiestaraziz. Horretarako eskailerak eta bi igogailu kokatu dizkiogu garabiari barrualdean, hauetako bakoitzean 10 pertsona sar daitezkeelarik. Modu honetan, oinezkoek ez ezik, gurpildun aulkiek, ume txikien aulkitxoek eta bizikletak ere erabili ahal izango dute lotura berri hau.
Lotura hau errazteko, harresiaren goikaldean pasarela berri bat kokatu dugu, garabiaren muturra bertan sartuz. Pasarela honetatik txoritokiaz gain, Marsellako bista zoragarriak ikusi ahal izango ditugu bertan kokatutako elizaren aurreko espazio publikorantz bideratzen gaituen bitartean.
Garabiaren komunikazio elementuak atzekaldean kokatu dira, harresiari bizkarra emanez eta horrela, garabiaren barrualdea, txoritokira eta bistetara bideratutako 4 solairu miradoretan antolatzea ahalbidetu.
BARNE SENTSAZOAK
Behin barrura sartzean, txoritokia deskubritzen hasiko da ikuslea.
Garabi barruko miradoreetan, txoritokiaz gozatzeko aukera egongo da eta baita Marsellako bistak begiratzekoa ere, azken miradorean, harresiarekin konexioa egiten duela ohartuko gara eta hau izango da ikuspegi pribilegiatuena eskeiniko diguna.
Sokaz inguratuta gauden sentsazioa konstantea izango da garabi barruan, txoriak alde batetik bestera hegaka dabiltzala. Pasarelara eskailera edo malda bidez jeitsi ahal izango gara eta berriro ere bista ikusgarriekin, eliza aurreko espazio publikorantz bideratuko gaitu.
Pasarelaren itxitura gisa, lama trasluzido batzuk kokatu ditugu, 45graduko angeluarekin. Modu honetan, beste aldekoa intuitu ahal izango da guztiz ikustera iritsi gabe eta gainera argiztapen eta aireztapena konstanteak izango dira.